kam lexuar në një revistë arbëreshe “me drejtim familiar”, dhe tani në faqen web e portalit Jemi, disa shënime rreth teksteve që janë botuar në projektin “Valorizzazione e promozione del territorio dei comuni di etnia albanese” dhe bëhen vlerësime rreth disa çështjeve nga ana e disa njerëzve që merren me Albanologjinë vetëm si “hobby e të së dielës”.

Për sa i përket trajtës së toponimit “Çivëti” nuk jam përgjës, dhe nuk mund të shprehem, por për sa i përket teksteve, dhe sidomos tekstit për Ungrën, ku një autor anonim bën shaka rreth faktit se Ungra është “bashkia e kuqe” e Arbërisë” dhe i referohet verës në vend që t’i referohet zgjedhjeve politike të popullsisë ungërnjote, dua t’i përmend se që në vitin 1948 e deri në vitin 1968 (por edhe pas këtij viti) në Ungër partia (ose ana) politike që mori më shumë vota, që prej zgjedhjeve për Asamblenë Kushtëtuese, qe partia komuniste ose e majtja, dhe ky fakt nuk mund të mohohet! Mjafton që autori i shënimit dhe të gjithë arbëreshët t’i referehon të dhënave të botuara nga A. Frega në këtë faqe web: http://www.ungra.it/Lungro/el_pol_68.htm për ta vërtetuar. Këto janë faktet.
Për sa i përket Risorxhimentos dhe muzeve dhe për gjithë të tjerat, miqtë tanë nuk kuptuam se ato tekste u patën shkruar për gjashtë skeda turistike jo për një enciklopedi ose libër universitar. Më vjen keq.

Pra, sipas të dhënave historike, për mua Ungra mbetet “bashkia e kuqe” e Arbërisë. Kush do ta ndërrojë realitetin mendoj se duhet të konsiderohet pasardhës i denjë i Vëllait të madh i të ndjerit zotit Orwell.

Shëndet!