Il decreto di nomina
Decreto di nomina di Mons. Giovanni Stamati ad Amministratore Apostolico, Sede Plena, di Lungro.
Sacra Congregatio Pro Ecclesia Orientali.
DECRETUM
Cum Ex.mus Dominus D. Johannes Mele, Lungrensis Eparca, aetatis suae in anno octogesimo primo constitutus, executioni mandari cupiens praescriptum n. 21 Decreti Concilii Oecumenici Vaticani Secundi, quod incipit « Cristus Dominus », Summo Pontifici PAULO VI, fr., renuntiationem ab officio sua exhibuisse sponte, die undecima octobris elapsi anni, ut inspectis adiunctis provideret: SS.mus Dominus Noster PAULUS, Divina Providentia Papa VI, referente in Audentia diei tertiae mensis februarii, huius anni, Cardinali Pro-praefecto huius Sacrae Congregationis, cum relatam renuntiationem minime acceptavisset benigne constituere ac deputare dignatus est Administratorem Apostolicum « Sede Plena » Eparchiae Lungrensis Ill.mum ac Rev.mum Dominum Johannem Stamati, hactenus eiusdem Eparchiae Syncellum, ipsum ad Ecclesiam titulo Stephaniacensem evehens, cum omnibus iuribus et officiis sive huic, sive illi muneri adnexis. Contrariis quibuslibet minime obfuturis.
Datum Romae, ex Aedibus Sacrae Congregationis pro Ecclesia 0rientali, die 25 mensis Aprilis in festo S. Marci Evangelistae, anno Domini 1967.
Gustavus Card. Testa
Propraefectus
+ Marius Brini, a secretis
